RITE – ZOE PIA & MATS GUSTAFSSON @ Skopje Jazz Festival 2023

RITE – ZOE PIA & MATS GUSTAFSSON

Zoe Pia – лаунедас, Б-кларинет, перкусии, електроника

Mats Gustafsson – флејтa, slide флејта, баритон-саксофон, мал кларинет (Ab), флутофон, усна хармоника

Зое Пиа е италијанска кларинетистка, композиторка, музички ентузијаст и истражувач од Сардинија. Матс Густафсон е шведски саксофонист, импровизатор, композитор и херој на скандинавската фри-џез сцена. Нивните први соработки датираат од италијанските концерти на Fire! Orchestra во 2021 и на Fire! Defeat во 2022 година, што резултираше со натамошно продлабочување на истражувањето во дуо формат. Првата нивна турнеја како дует се случи во мај 2023 година во Италија, што опфати студиски сесии и фестивалски активности. Тандемот RITE се занимава со импровизирана музика во нови облици, структури и правци. Уникатен микс. Елементи од фолк наследството на Сардинија, самиски јоик, ноиз и сурова електроника, слободна импровизација, современа музика, фри-џез и уште многу нешта. Патување низ досега неистражени аудио пејзажи. Нови средби со непознатото. Нови средби со познатото. Подлабоко проникнување во богатите култури на традиционалната музика и новите креативни јазици на експерименталната музика. Средба на слободниот отворен простор и екстремните детали во високоенергичните испади. Средба на компактни аудио кластери и целосно разнесени масивни парчиња во мелодични ходници на поезија со највозвишена убавина. Музичката врска на Матс Густафсон (баритон саксофон и флејта) и Зое Пиа (кларинет, лаунедас, сардиниски ѕвончиња, електроника) се темели врз недефинирани, надвор од фокусот, импресионистички, футуристички, контрастни, паралелни, испреплетени звучни архитектури.