JÚLIA KOZÁKOVÁ TRIO @OFFest 2025

JÚLIA KOZÁKOVÁ TRIO – 8 Јуни • МКЦ Кино Фросина • 20:00

JÚLIA KOZÁKOVÁ вокал
ZSOLT VÁRADY гитара
JÁN RIGO бас
https://www.juliakozakova.com/manusa

Словачката пејачка Јулија Козакова е најпозната по својата соло кариера и нејзиниот албум “Manuša“ од 2022 година. На ова издание таа внесе нов дух во некои од традиционалните ромски песни кои што се вкоренети во Словачка и Централна Европа. Од нејзините 13 години Јулија свири со ромски музичари, а од соработките се истакнува онаа со чешката пејачка Ида Келарова. Деби албумот “Manuša” го отвори меѓународниот хоризонт за нејзините прекрасни интерпретации и таа настапи во Велика Британија, Белгија, Италија, Естонија, Чешка и нејзината родна Словачка. Реакциите на медиумите беа одлични и албумот беше највисоко рангираното словачко издание во жанрот „музика на светот“ на World Music Charts Europe, а ја доби и Radio Head наградата во истата категорија. Јулија Козакова има диплома од SOAS University of London а во моментов студира и џез пеење на Академијата во Брно. Козакова на ОФФест ќе настапи во формација на трио, придружена од гитара и бас.