THE HIP-BRAINSTORM 🎥🍿

Придружете ни се во интимниот амбиент на Коце Металец 1 за ексклузивно доживување со гледање филмови како дел од фестивалската програма!

Ексклузивна филмска вечер во Коце Металец 1

Придружете ни се за незаборавно искуство на филмска вечер во еден од становите на Коце Металец 1. Нудиме ограничен број на билети за овој единствен настан, затоа погрижете се да го обезбедите вашето место!

The Hip-Brainstorm е продолжение, своевидно документарно надополнување на долгометражното ДВД-видео издание The Hip-Reality Overdrive. Во режија и продукција на Јане Алтипармаков, со оригинална идеја на Љубиша Петрушевски, овој долгометражен музичко-документарен филм е задолжителен за љубителите на музиката и филмот.

Продуцент и монтажер е Михаил Димитров, со дизајн на звук на Валентин Видовиќ. Директор на фотографија е Наташа Гелева, а снимател Ања Илиева. На инсталацијата работеа и Зоран Чаневски и Димитар Илиевски.

Во филмот играат Васко Атанасовски (Бернајс пропаганда, Балкан Велики), Тошо Филиповски (автор на првата сеопфатна македонска рок енциклопедија), Саша Павловиќ (Сунча), Ивица Димитријевиќ (СИЗ), Мирко Попов (ПМГ Колектив), Костадин Шурбановски (Канал 10), Сеад Хаџиќ (Last Expedition, Mooger Fooger), членови на групатa The Hip, Morbid Joker, Музичка Младина. 

Во филмов ексклузивно се измонтирани архивски снимки од настапите на Електрични Оргазам, Екатарина Велика, легендарните Nirvana, Psychic TV, Buzzcocks, Sonic Youth, Young Gods.

Долгометражниот музичко-документарен проект THE HIP-BRAINSTORM e добитник на специјалната награда за музички филм на манифестацијата МАН-МАКЕДОНСКИ АЛТЕРНАТИВНИ НАГРАДИ. Филмот се здоби и со позитвни критики и осврти во културната јавност. Поетесата и ликовна уметница Будимка Поповска во нејзиниот осврт на порталот ОКНО го оцени филмот како документаристичко ремек-дело.

По проекцијата, присутните се поканети да се приклучат на дискуција со режисерот и продуцент на филмот Јане Алтипармаков, а потоа и на енергичната фестивалска програма што се случува на Коце Металец 1. 

Билетите се достапни сега! Билетите се во ограничен број!